Лінкі ўнівэрсальнага доступу

У спатканьні з жонкай адмоўлена. Ігар Лосік за кратамі 306 дзён


Суд па справе палітзьняволенага кансультанта Радыё Свабода можа пачацца ў чэрвені.

Ігара Лосіка затрымалі ў яго дома ў Баранавічах 25 чэрвеня 2020 году. Ад сярэдзіны жніўня Ігар знаходзіцца ў сьледчай турме № 8 Жодзіна. Жонка Ігара Дар’я Лосік некалькі разоў на тыдзень возіць мужу перадачы з Баранавічаў. Яна расказала пра апошнія навіны ад Ігара.

«Ігар па-ранейшаму ў Жодзіне, у яго нічога новага пакуль няма, — расказвае Дар’я Лосік. — Скардзіцца, што вельмі дрэнна ходзяць лісты. Ён іх практычна не атрымлівае. Чаму так, цяжка зразумець.

Яшчэ з навінаў тое, што мне адмовілі ў спатканьні зь ім. Я разьлічвала, што пасьля завяршэньня азнаямленьня з матэрыяламі справы змагу пабачыць Ігара. У суботу 24 чысла адправіла ліст сьледчаму, прасіла дазволіць сустрэчу. А сёньня вось атрымала адказ, што ў спатканьні мне адмоўлена. Чаму, невядома. Прычынаў гэтага не тлумачаць.

Лістоў я ад Ігара зараз таксама не атрымліваю. Чаму, незразумела. Гэта такія дробныя паскудзтвы. Яны, у прынцыпе, заўсёды былі».

Паводле неафіцыйнай інфармацыі, судзіць Ігара Лосіка зьбіраюцца разам зь Сяргеем Ціханоўскім, Міколам Статкевічам і шэрагам іншых палітзьняволеных. Напрыканцы мінулага тыдня Ігар скончыў знаёміцца з матэрыяламі справы, аднак пакуль невядома, калі яна будзе перададзеная ў суд — іншыя абвінавачаныя пакуль працягваюць вывучэньне матэрыялаў.

Па розных зьвестках, гэтая крымінальная справа ўтрымлівае ад 150 да 170 тамоў. Працэс пачнецца, меркавана, на пачатку чэрвеня.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG