Лінкі ўнівэрсальнага доступу

BYPOL назваў генэрала і палкоўніка, нібыта датычных да затрыманьня Зянковіча, Кастусёва і Фядуты


Арыштаваныя Юрась Зянковіч, Аляксандар Фядута, Рыгор Кастусёў

Ініцыятыва BYPOL апублікавала вядомыя ёй дэталі праведзенай КДБ Беларусі апэрацыі ў дачыненьні да Аляксандра Фядуты, Юрася Зянковіча і Рыгора Кастусёва, якіх затрымалі па падазрэньні ў змове з мэтай захопу дзяржаўнай улады.

Абапіраючыся на свае крыніцы ў сілавых ведамствах Беларусі, BYPOL сьцьвярджае, што непасрэдны ўдзел у «маскоўскім апэратыўным мерапрыемстве» прымалі начальнік Дэпартамэнту транспартнага забесьпячэньня Міністэрства абароны генэрал-маёр Юры Ш. і начальнік управы тэрытарыяльнай абароны, намесьнік начальніка Генштабу палкоўнік Андрэй М.

Паводле легенды, высокапастаўленыя чыны беларускай арміі выступалі ў якасьці вайсковых начальнікаў, гатовых нібыта перайсьці на бок народу і нэўтралізаваць Лукашэнку. BYPOL адзначае, што ў іх ініцыятыву гэтую «прынаду» запускалі яшчэ ўвосень 2020 году.

Абодва афіцэры, як пішуць аўтары расьсьледаваньня, вучыліся ў Расеі, а ў Беларусі іх лавілі на злачынствах, прысабечваньні бюджэтных сродкаў, выкарыстаньні службовага аўтамабіля ў асабістых мэтах.

Улады Беларусі прызналі Telegram-канал BYPOL экстрэмісцкім

Такое рашэньне было прынятае 22 красавіка судом Чыгуначнага раёну Гомля на падставе матэрыялаў праверкі абласнога ўпраўленьня ГУБАЗіК МУС.

МУС піша, што што ў ТГ-канале «разьмяшчаліся заклікі да масавых беспарадкаў, публікаваліся паклёпніцкія матэрыялы пра супрацоўнікаў МУС для распальваньня сацыяльнай варожасьці, а таксама распаўсюджваюцца экстрэмісцкія матэрыялы, уключаныя ў адпаведны сьпіс.

«Большая частка інфармацыі ў канале накіраваная на падрыў аўтарытэту дзейнай улады і яе прадстаўнікоў», — паведамляе прэсавы сакратар МУС Беларусі.

Затрыманьне Зянковіча, Кастусёва, Фядуты і справа «змоўшчыкаў». Што трэба ведаць

  • У Шклове ўвечары 12 красавіка затрымалі кіраўніка партыі БНФ Рыгора Кастусёва. Тады было вядома толькі, што ён праходзіць па крымінальнай справе і знаходзіцца ў СІЗА КДБ.
  • Увечары таго ж дня жонка беларускага паліттэхноляга Аляксандра Фядуты паведаміла пра яго зьнікненьне ў Маскве. 13 красавіка КДБ Беларусі паведаміў, што Фядута затрыманы.
  • У ноч на 14 красавіка стала вядома аб затрыманьні ў Маскве беларускага адваката з ЗША Юрася Зянковіча. Усе яны цяпер у менскім СІЗА КДБ.
Юрась Зянковіч, Аляксандар Фядута, Рыгор Кастусёў (зьлева направа)
Юрась Зянковіч, Аляксандар Фядута, Рыгор Кастусёў (зьлева направа)
  • Увечары 17 красавіка дзяржаўныя СМІ Беларусі паказалі заяву Аляксандра Лукашэнкі, што заходнія спэцслужбы рыхтавалі збройны мяцеж, а таксама замах на яго і на ягоных дзяцей.
  • Лукашэнка абвінаваціў у датычнасьці да падрыхтоўкі замаху затрыманых Зянковіча, Кастусёва і Фядуту.
  • Амаль сынхронна ФСБ Расеі заявіла, што яны сумесна з КДБ Беларусі спынілі меркаваную змову з удзелам Зянковіча і Фядуты, якія нібыта плянавалі 9 траўня «ажыцьцяўленьне вайсковага перавароту ў Беларусі па адпрацаваным сцэнары „каляровых рэвалюцый“ з прыцягненьнем мясцовых і ўкраінскіх нацыяналістаў, а таксама фізычную ліквідацыю Аляксандра Лукашэнкі».
  • У рэпартажы на беларускім дзяржаўным тэлеканале АНТ паказалі фрагмэнт відэаразмовы ў Zoom, у якой, акрамя Зянковіча, Кастусёва і Фядуты, удзельнічалі яшчэ чатыры чалавекі (усе жывуць у ЗША), нібыта ўдзельнікі змовы. У інтэрвію Свабодзе двое зь іх адкінулі абвінавачаньні (тут і тут).
  • Афіцыйныя прадстаўнікі ЗША і Польшчы назвалі абвінавачаньні ўладаў Беларусі і Расеі на свой бок няпраўдай.
  • 21 красавіка Ўладзімір Пуцін заявіў, што краіны Захаду ігнаруюць факты падрыхтоўкі «дзяржаўнага перавароту ў Беларусі» і «плянаваньня забойства» Аляксандра Лукашэнкі. Ён абвінаваціў удзельнікаў «змовы супраць Лукашэнкі» ў падрыхтоўцы масаванай кібэратакі на Беларусь.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG