Лінкі ўнівэрсальнага доступу

Ціханоўская сустрэлася зь міністрам МЗС Гішпаніі, палітвязьнямі прызналі яшчэ 15 чалавек. Галоўнае за 7 красавіка


Марыя Арансасу Гансалес Лая і Сьвятлана Ціханоўская

Найважнейшае за 7 красавіка

У Вільні адбылася сустрэча Сьвятланы Ціханоўскай і міністаркі замежных спраў Гішпаніі Марыяй Арансасу Гансалес Лая.

Лідэр «Маладога фронту» Дзяніс Урбановіч расказаў пра «новыя ўмовы для палітычных» у ізалятары Жодзіна.

Праваабарончая супольнасьць прызнала палітычнымі зьняволенымі яшчэ 15 чалавек, асуджаных за ўдзел у мірных акцыях. Агулам у Беларусі 339 палітвязьняў.

Палітзьняволеную Аляксандру Патрасаеву асудзілі на тры гады «хатняй хіміі». Яе прызналі вінаватай ва ўдзеле ў масавых беспарадках паводле 342 артыкула Крымінальнага кодэксу.

7 красавіка суд Савецкага раёну Гомля (судзьдзя Аляксандар Мохараў) разгледзеў крымінальную справу 68-гадовага актывіста АГП, пэнсіянэра МУС Уладзімера Няпомняшчых.

Старшыня Праваабарончага цэнтру «Вясна» Алесь Бяляцкі запатрабаваў, каб допыт і пратакол допыту ў СК вяліся па-беларуску.

Савет міністраў Беларусі ўнёс зьмены ў Працоўны кодэкс, якія дазваляюць наймальніку звальняць работнікаў за адміністрацыйнае пакараньне ці заклікі да страйку. Дэпутаты Палаты прадстаўнікоў ухвалілі папраўкі ў першым чытаньні.

За выказваньне грамадзянскай пазыцыі звольнілі выкладчыкаў Беларускага нацыянальнага тэхнічнага ўнівэрсытэту і Полацкага дзяржаўнага ўнівэрсытэту.

На Беларускай валютна-фондавай біржы вызначаны рэкордны курс даляра.

За першы квартал 2021 году золатавалютныя рэзэрвы Беларусі зьменшыліся на 528,5 млн даляраў (на 7,1%).

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG