Лінкі ўнівэрсальнага доступу

Сьледчы камітэт заявіў пра больш як 100 злачынстваў на чыгунцы, шэраг якіх кваліфікуюць як тэрарызм


Беларуская чыгунка. Ілюстратыўнае фота.

Органы ўнутраных спраў устанавілі больш за 100 фактаў злачынстваў на чыгуначным транспарце, па гэтых эпізодах расьсьледуецца крымінальная справа аб тэрарызьме.

Крымінальная справа заведзена па фактах пашкоджаньня і прывядзеньня ў непрыдатнасьць шляхоў зносін, сродкаў сыгналізацыі і чыгуначнага транспарту. Усяго зафіксавана больш за 100 эпізодаў. Па зьвестках СК, у шэрагу выпадкаў ужо ёсьць падазраваныя.

У прыватнасьці, абвінавачаньне выставілі двум жыхарам Маладачанскага раёну па ч. 1 арт .14 і ч. 1 арт. 309 (спроба наўмыснага прывядзеньня ў непрыдатнасьць шляхоў зносін і сродкаў сыгналізацыі).

«Пры выяўленьні фактаў зьдзяйсьненьня падобных дзеяньняў у мэтах аказаньня ўзьдзеяньня на прыняцьце рашэньняў органамі ўлады, перашкоды палітычнай ці іншай грамадзкай дзейнасьці або дэстабілізацыі грамадзкага парадку, кваліфікацыя дзеяньняў абвінавачаных можа быць зьменена на арт. 289 (акт тэрарызму) Крымінальнага кодэксу Беларусі», — адзначылі ў СК.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG