Лінкі ўнівэрсальнага доступу

Нацбанк выпусьціць памятныя манэты да 100-годзьдзя Купалаўскага тэатру


Купалаўскі тэатар, фота 18 жніўня

Нацыянальны банк сёлета выпусьціць манэты ў гонар 100-годзьдзя Нацыянальнага акадэмічнага тэатру імя Янкі Купалы:

  • 1100 срэбных манэт наміналам 20 рублёў,
  • 2499 медна-нікелевых манэт наміналам 1 рубель

У такой жа колькасьці адаб'юць манэты да 150-годзьдзя мастака Фэрдынанда Рушчыца.

Асноўная частка трупы тэатру звольнілася на знак салідарнасці генэральным дырэктарам тэатру Паўлам Латушкам і ў якасьці пратэсту супраць падзей, якія адбываюцца ў краіне пасьля 9 жніўня. Больш за 60 супрацоўнікаў тэатру засталіся бяз працы.

Тэатар адмяніў спэктаклі да канца лістапада.

Праблемы ў калектыве пачаліся ў сярэдзіне жніўня, калі супрацоўнікі разам са сваім гендырэктарам Паўлам Латушкам публічна асудзілі фальсыфікацыі прэзыдэнцкіх выбараў і свавольства сілавікоў. 17 жніўня Латушка быў звольнены.

18 жніўня ў Купалаўскі тэатар, які ў верасьні меўся адзначыць 100-годзьдзе, прыехаў міністар культуры Юры Бондар. Ён не пагадзіўся, што Латушку звольнілі з палітычных матываў, і выказаў занепакоенасьць, як тэатвр будзе працаваць у такой атмасфэры. У адказ яму заявілі, што новага сэзону ня будзе, і параілі падаць у адстаўку.

У той жа дзень выканаўцам абавязкаў дырэктара быў прызначаны першы намесьнік міністра культуры Валер Грамада. На ягонае распараджэньне ў тэатры зьявіліся супрацоўнікі Дэпартамэнту аховы. Купалаўцы расцанілі гэта як «захоп тэатру».

Напярэдадні Аляксандар Лукашэнка заявіў, што Павал Латушка перайшоў «чырвоную рысу» і адкажа паводле закону. Экс-міністар культуры і дыплямат пасьля звальненьня з тэатру далучыўся да прэзыдыюму Кааардынацыйнай рады.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG